Programo Mia Amiko

La Interasocia kongreso de Esperanto en Francio okazos en Nantes, de la 7a ĝis la 9a de junio 2025. La temo estas pri la vojaĝoj, kaj vi povos sperti “le Voyage à Nantes” (la vojaĝo en Nanto en Esperanta versio) kun eksterordinaraj Maŝinoj kaj nuntempaj artaĵoj. Via restado povos komenciĝi per ekskurso ĉe la bordo de Atlantiko kaj daŭri per vizito de la kasteloj ĉe la Luar’ rivero. Historie Nanto ĉiam sin turnis al la Atlantika oceano kaj al la transmaraj vojaĝoj. Ni proponas al vi vojaĝi kun Jules Verne, la fama aŭtoro de Eksterordinaraj vojaĝoj, naskita en Nanto kaj aktiva subtenanto de Esperanto, pere de prelego fare de István…

Je la 1a de februaro 2024 jam 727 personoj el 56 landoj aliĝis al la 110a Universala Kongreso de Esperanto, kiu okazos de la 26a de julio ĝis la 2a de aŭgusto 2025 en Brno, Ĉeĥio. Dum januaro aliĝis 48 personoj. Ĉi tiu nombro estas simila al tiu de la 108a UK en Torino, kiu okazis somere 2023; tiam je la 1a de februaro la aliĝstatistiko montris 772 aliĝintojn el 51 landoj. Probable, ankaŭ en Brno renkontiĝos iom pli ol mil esperantistoj. Plej multaj jamaj kongresanoj estas el la kongreslando Ĉeĥio – 86 personoj, nur je tri pli multe ol el Germanio (83). Vidu la liston de la landoj kun…

UEA profunde bedaŭras informi, ke forpasis d-ro Renato Corsetti (naskiĝis la 29an de marto 1941) la 1an de februaro 2025, en la aĝo de 83 jaroj, en Londono. Eksa prezidanto de UEA (2001-2007) kaj honora prezidanto de UEA kaj TEJO, li estis multfaka kaj energia kunlaboranto kaj unu el la plej eminentaj figuroj en la esperantista movado, kaj en la itala kaj en la internacia, ekde siaj junaj ĝis siaj lastaj jaroj. Naskiĝinta en Romo, li komencis sian profesian karieron en banko. Li ekaktivis en la Esperanto-movado fine de la 1960aj jaroj kaj baldaŭ poste iĝis Prezidanto de TEJO (1971-1973). La Estraron de UEA li unue eniris en 1980 kaj…

1. Antaŭ 130 jaroj naskiĝis Ferenc Szilágyi (Síladi, 1895-1924-1967), hungaria kaj svedia ĵurnalisto kaj esperantisto; aŭtoro de kvar novelaroj (Trans la fabeloceano 1932, La granda aventuro 1945, Inter sudo kaj nordo 1950, Koko krias jam! 1955) kaj de la romano Tiel okazis, aŭ Mistero minora (1958), kompilinto de la antologio 33 rakontoj (kun Reto Rossetti, 1964); fondinto de la revuo Norda Prismo (1955) kiun li redaktis ĝis la vivofino; ĉefkunlaboranto de Enciklopedio de Esperanto, membro de la Lingva Komitato (1930-48) kaj de la Akademio de Esperanto (1948-67), prezidanto de TEĴA (1956-57), sekretario de la Belartaj Konkursoj de UEA (1953-57). • Legu pli en la enciklopedio Nia Diligenta Kolegaro (p. 275-276).…

Konversaciero, kiel difinas sian enkondukan artikolon Probal Daŝgupto, eliras el la aŭtora aserto, ke “Multaj el ni ĝeniĝas, aŭ eĉ fobias, pri la tendenco samrangigi Esperanton al la lingvoj uzataj en fantastaj aŭ scienc-fikciaj verkoj, ekz. la klingona, la naavia, aŭ la laadana”. Kaj fine li demandas “Ĉu vere Esperanto perdas sian tutan pejzaĝon kiam ĝi sidas samsalone kun la lingvoj konstruitaj por artaj celoj?”, kaj invitas konversacii pri ĉu tiaspecaj lingvoj meritas la atenton de la serioza interlingvistiko. Originala prozo regalas per verkoj aŭ fragmentoj, kiel la ĉapitro 7 el la libretolonga rakonto Mokrokalvo la gigantegegego de Gunnar Gällmo, aŭ Pordoj de Ulrich Becker. Fakte, temas pri la unuaj…

“La Ondo de Esperanto” daŭrigas la prezentadon de artistoj, prelegantoj, instruistoj kaj aliaj personoj, kiuj kontribuos al la programo de la 59aj Baltiaj Esperanto-Tagoj (BET-59), kiuj okazos la 5-13an de julio 2025 en la universitato Vytautas la Granda (Kaŭno, Litovio). Jam aperis dek ses prezentoj. La dek-sesa estas la litova filozofo, poligloto, fakulo pri Afriko, poeto kaj esperantisto Gediminas Degėsys. Ĉi-sube lo mem prezentas sin kaj sian kontribuaĵon al BET-59. Gediminas Degėsys naskiĝis la 30an de majo 1980 en laborista familio, en Alito (Alytus). Li lernis en la gimnazio A. Ramanauskas-Vanagas en Alito kaj en la liceo de la Episkopejo de Telŝoj (Telšiai), studis en la Fakultato de Katolika Teologio…

  Ciência toda humana flerta o previsível prediz: Natureza engana brota o indizível   Poesia gera o inefável improvável o poema pena bico de pena inimaginável Poesia baila no risco entorta o intragável olho que tudo vê improvável onde pisca cisco   Scienco plene homa antaŭvideblon flirtas antaŭvidas: naturo trompas, nedireblo ĝermas   Poezio nedireblon naskas malprobabla, poem’ suferas neimagebla plumpinto poezio bailas sur risko nemanĝeblaĵo tordiĝas malprobabla ĉion-vida okulo kie aĵeto blinkas

“La historio de sklavigo formis nian modernan mondon kaj ankoraŭ influas nin. Ĉi tio estas evidenta en la profunda kaj foje sistema rasismo kiu persistas tutmonde, precipe kontraŭ posteuloj de afrikanoj, kaj tio devenas de malsamaj historiaj fenomenoj kiuj kutimis pravigi la miton de afrika “malsupereco”, ankaŭ dum la Klerisma Periodo”, – skribis Gabriela Ramos, Asistanta Ĝenerala Direktoro de UNESKO por Sociaj kaj Homaj Sciencoj en la ĉefartikolo de la tria kajero de “Unesko-Kuriero” (julio-aŭgusto) por 2024, kun tradiciiĝinta malfruo aperinta en la elŝutejo de Unesko. La ĉefa temo de ĉi tiu eldono estas “La profunda heredaĵo de sklaveco” Ĝin traktas jenaj tekstoj en la sekcio “Larĝa angulo”: Myriam Cottias.…

70 jaroj poste, la 10an de decembro 2024, suna kaj varma tago komenciĝis en Montevideo. La Leĝodona Palaco ricevis kaj bonvenigis esperantistojn. Ĉi-foje ne tiom impona aŭ granda ceremonio kompare al 1954, sed same historia kaj memorinda. Homoj de Urugvajo, Argentino, Brazilo, Francio, Kanado kaj tutmonde/rete festis la naskiĝtagon de la Montevidea Rezolucio pro la okazo de la evento “Unesko kaj Esperanto: 70 jaroj de kunlaboro por lingvaj homaj rajtoj”. En 1954 esperantistoj renkontiĝis en la urbo dum unu monato okaze de la unua Universala Esperanto Ekspozicio, tiam proksima estis la ĝenerala Konferenco de Unesko en Montevideo, grava momento kiu markis la unuan oficialan agnoskon de Esperanto kiel ilo por…