Antaŭ duonjaro ni rakontis pri Vadim Bikov, la unua konata esperantisto el Ukrainio kiu pereis ĉe la fronto, defendante sian hejmlandon. Li iĝis 54-jara. Samaĝa estis Aleksandr Salmin el Rusio, kiu ĵus pereis ĉe la fronto en Ukrainio, atakante la najbaran landon. En la jena vidpunkta artikolo Grigorij Arosev – origine rusia esperantisto, nun de pluraj jaroj loĝanta en Germanio – konsideras la kialojn, kiuj igas multajn rusianojn opinii tian sorton heroa. Detruo en Zaporiĵo post trafo de rusia raketo en loĝdomo. Foto: Elena Tita. Salmin en foto afiŝita en lia VK-konto. La 4-an de novembro 2024 pereis la  54-jara rusia esperantisto Aleksandr Salmin, kiu laŭ propra volo iris kiel…

Dum multaj jaroj studentoj en Hungario povis havi utilon de ekzameno pri Esperanto por ricevi universitatan diplomon. Antaŭ du jaroj la utilo malaperis, kaj nun malaperas ankaŭ la ŝtata ekzameno. La retejo de la lingvocentro Origó. La erao de devigaj lingvaj ekzamenoj en Hungario komenciĝis en 1998, kaj finiĝis en 2022, kiam la registaro ŝanĝis la leĝon kaj nuligis la devon trapasi lingvan ekzamenon kiel kondiĉon por ricevi la diplomon en universitatoj. Samtempe al la supra leĝo-ŝanĝo oni puŝis la taskon al la unuopaj universitatoj, kiuj nun devas mem decidi pri tiuj lingvaj demandoj. Plimulto de ili (sed ne ĉiuj) daŭre postulas iun lingvan ekzamenon, sed preskaŭ ĉiuj akceptas nur…

Rusia Esperantista Unio agnoskas la kontraŭleĝan anekson de ukraina teritorio kaj pretas aktivi tie, deklaras la prezidanto de REU. La temo reaktualiĝis pro rezolucio de UN pri Israelo. Osmo Buller petis reagon de la estraro de UEA pri la eventuala aktivado de la landaj asocioj de Israelo kaj Rusio en okupitaj teritorioj. UEA laŭkutime silentas. ”La Ĝenerala Asembleo de Unuiĝintaj Nacioj restas nemalhavebla ilo kaj esenca vojo al paca kaj justa estonteco por ĉiuj homoj”, diris la ĝenerala sekretario de UN António Guterres, malfermante la 79-an sesion de la asembleo. Foto: UN/Eskinder Debebe Lastatempe la Ĝenerala Asembleo de UN lige kun la milito en Gazao aprobis plurajn rezoluciojn pri la…

Subvencio de Eŭropa Unio en 2025 kovru du trionojn el la salajroj de UEA. Tion antaŭvidas la ĵus aprobita buĝeto de la asocio. Por certigi la ricevon de la subvencio UEA refondis sian virinan komisionon kaj entreprenis aliajn paŝojn, kiujn eblos raporti al EU, prezidanto Duncan Charters rakontis dum la kunsido. Duncan Charters gvidis la kunsidon de la komitato. Laŭ la nova rutino, kiu formiĝis dum la lastaj jaroj, la buĝeto de UEA por la venonta jaro denove estis aprobita lastmomente. En antaŭaj epokoj la buĝetpropono regule estis prezentita bontempe antaŭ la Universala Kongreso, kaj aprobita de la Komitato dum la kongresa kunsido. Ĉi-jare la buĝetpropono aperis en la retejo…