Novaj honoraj membroj kaj honora prezidanto de UEA elektitaj en Graz

Laŭ la Regularo pri Honoraj Membroj, Honoraj Prezidantoj kaj Diplomo pri Elstara Agado la Komitato de Universala Esperanto-Asocio (UEA), surbaze de propono de la Estraro de UEA, povas aparte distingi esperantistojn, kiuj faris gravajn servojn al la tutmonda Esperanto-movado, per la titolo Honora Membro (HM).
Krome, kiel Honora Prezidanto (HP) povas esti nomumita eksa prezidanto de UEA, kiu havis eksterordinarajn meritojn por la Asocio.

Dum la unua kongresa tago en Graz la Komitato finis voĉdonon per kiu estis elektitaj naŭ novaj HM-oj:

• el Aŭstrio Martin Stuppnig;
• el Nederlando Ans Bakker-ten Hagen;
• el Francio Renée Triolle;
• el Pollando Barbara Pietrzak;
• el Belgio Paul Peeraerts;
• el Slovakio Jozef Reinvart;
• el Kubo Maritza Gutiérrez González;
• kaj je iliaj memoroj el Aŭstrio Hans Michael Maitzen kaj el Kroatio Ivo Osibov.

La Komitato ankaŭ elektis kiel Honoran Prezidanton de UEA je lia memoro Probal Dasgupta (Barato), kiu prezidis UEA en la periodo 2007-2013.

Por decidi la Komitato anticipe kaj konfidence ricevis resumajn
vivpriskribojn kaj informojn pri la gravaj datoj, verkoj kaj meritoj de
la kandidatoj, nun publike arkivitajn en la komitata elŝutejo de UEA: https://uea.org/teko/komitato.

Fonto: Gazetara Komuniko de UEA, 2026, №1318.

Abonu “La Ondon de Esperanto” por 2026 kontraŭ nur 15 eŭroj kaj ricevu senpage la jarkolektojn por 2024 kaj 2025. Legu pli ĉe https://esperanto-ondo.ru/Lo-abon.htm
La Ondo de Esperanto en Telegramo: t.me/esperanto_news

The post Novaj honoraj membroj kaj honora prezidanto de UEA elektitaj en Graz appeared first on La Ondo de Esperanto.