Programo Mia Amiko

Je la 12a de marto al la 59aj Baltiaj Esperanto-Tagoj (BET-59), kiuj okazos la 5-13an de julio 2025 en la universitato Vytautas la Granda (Kaŭno, Litovio), aliĝis jam 200 personoj el 26 landoj. La plej multaj aliĝintoj estas el Litovio – 64. Sekvas Pollando kun 26 aliĝintoj. Vidu la tutan laŭlandan aliĝtabelon: 64 Litovio 26 Pollando 15 Koreio 14 Latvio 11 Germanio 10 Francio 8 Ruslando 6 Italio, Ukrainio 5 Belgio, Finnlando, Estonio 3 Hungario, Nederlando, Pakistano, Svedio 2 Hispanio, Israelo, Svislando 1 Aŭstralio, Britio, Burundo, Kanado, Kongo DR, Luksemburgio, Ugando La aliĝado daŭras. Aliĝu ĉe http://forms.gle/LHYptXyHqoTDnWDp9 La unua informilo pri BET-59: https://sezonoj.ru/2024/07/bet-146/ BET-59 estos multnombra, interesa kaj grava esperantista…

Antaŭ 100 jaroj, la 12an de marto 1925, naskiĝis Harry Harrison (denaske: Henry Maxwell Dempsey, 1925-2012), usona sciencfikcia verkisto, aŭtoro de 35 romanoj kaj ducento da noveloj, kaj esperantisto, enplektinta Esperanton en siajn verkojn, precipe en la ciklon pri Jim diGriz kromnomata Rustimuna Ŝtalrato. Li estis membro de la Honora Patrona Komitato de UEA (1985), honora prezidanto de Esperanto-Asocio de Irlando kaj honora membro de Esperanto-Ligo de Norda Ameriko (nun Esperanto-USA). Kvin libroj de Harrison aperis en Esperantaj tradukoj: “La verda estonteco” (1984), “La stratoj de Aŝkelono” (1994), “Naskiĝo de la Rustimuna Ŝtalrato” (1996), “La kaptita universo” (2001), “Invado: Tero” (2012). La romanon de Harry Harrison “Naskiĝo de la Rustimuna…

La 11an de marto 2025 en Jekaterinburgo forpasis Viktor Aleksandroviĉ Kulakov (1958-2025) komputisto kaj programisto en Sverdlovsko/Jekaterinburgo, li lernis Esperanton en 1982 kaj longe aktivis en la Sverdlovska Esperanto-Klubo kaj en la Urala Esperantista Societo. En 1990 li kreis Esperantajn tiparojn por la eldonejo “Sezonoj”, kiujn ĝis la mezo de la 1990aj jaroj uzis ankaŭ la redakcioj de “La Ondo de Esperanto” kaj “Ruslanda Esperantisto”, por kiuj li disponigis retadreson (en 1994) kaj kreis nian unuan retejon (en 1996). En 1996 Viktoro Kulakov verkis la programon “Vortaro” por lerni Esperantan leksikon. En la Uralaj esperantistaj renkontiĝoj, en kies organizo li partoprenis, li estis konata ankaŭ kiel gitaristo kaj kantisto. Ni…

Antaŭ 70 jaroj, la 11an de marto 1955 en litova kamparana familio naskiĝis Povilas Jegorovas, unu el la plej aktivaj esperantistoj en la mondo. Dum 1973-78 li studis en la jura fakultato de la Vilna Universitato kaj diplomiĝis kun laŭdo en 1978 per la tezo “Internacia jura statuso de la Universala Esperanto-Asocio” kaj eklaboris en Kaŭno kiel advokato. Li lernis Esperanton en 1970 kaj dum pli ol kvindek jaroj plenumis kaj plenumas multajn movadajn taskojn, interalie: En Litovia SSR kaj Litovio: prezidanto de la junulara Esperanto-klubo Juneco (Vilno, 1974-76), vicprezidanto de Litovia filio de ASE (1979-88), vicprezidanto de Litova Esperanto Asocio (LEA, 1988-93); ekde 1993 ĝis nun prezidanto de LEA.…

Ekde la 10a de marto 2025, oficiale alireblas Esperanta Kulturservo (EKS), la konsorcia magazeno de la Esperanta Civito, en kiu vi povas trovi ĉiujn servojn kaj varojn produktatajn de niaj establoj. La vendeja platformo, kies prizorgado estas adjudikita al Kooperativo de Literatura Foiro (LF-koop), ebligas abonon al periodaĵoj (inkluzive de Literatura Foiro kaj Heroldo de Esperanto), aĉeton de varoj diversaj (libroj, muziko, filmoj, kolektoj) kaj aliĝon al la eventoj, lingvotestaj sesioj kaj kursoj organizataj de la paktintaj establoj. Aparte riĉa estas la sekcio “Libroservo”, kiu kreskas konstante pro la iompostioma enretigo de ĉiuj titoloj de Kultura Centro Esperantista (KCE), la plej grava Esperanto-libroservo en Svislando. Kaj ne nur tio! Se…

“La cifereca revolucio ebligas al ni aliron al la verkaro de la plej gravaj artistoj, ĉiam kaj ĉie. Sed tamen, la plejmulto de la nuntempaj vizitantoj vicatendas dum horoj por vidi pentraĵojn aŭ skulptaĵojn, kiujn ili povus trankvile rigardi hejme sur ekrano. “ Estas vere, ke la nuntempaj muzeoj ne plu havas multajn komunaĵojn kun la pasintecaj kuriozaĵkabinetoj, rezervitaj por malmultaj privilegiitoj. Kiel vivantaj kaj malfermemaj institucioj, ili adaptiĝis konforme al siatempaj teknologiaj kaj sociaj defioj. Pli multe ol nur simplaj ekspoziciitaj vitrinoj por rigardo de vizitantoj, muzeoj iĝis kulturaj kaj ekonomiaj ĉefagantoj, kies altiran forton la urboj bone konscias”, – skribis Agnès Bardon, ĉefredaktoro de “Unesko-Kuriero“, en la ĉefartikolo…

  DISTORÇÃO Uma parte de mim/ É permanente Outra parte/ Se sabe de repente// Uma parte de mim/ É só vertigem Outra parte/ Linguagem,  (“Traduzir-se”. Ferreira Gullar) Uma parte de mim só distorção outra parte a ela reação Uma parte de mim tudo distorce outra parte ação precoce como se tudo assim fosse Uma parte de mim reage a tudo outra parte lança-elmo-escudo Uma parte reptiliana luta-fuga outra parte se lambe límbica mais se embrenha mais se imbrica Uma parte de mim lobo frontal colisão do sentir-se racional outra parte arde passional Uma parte de mim só coração buscando coerência na razão outra parte se sabe incoerência e supondo-se sábia…

“La Ondo de Esperanto” daŭrigas la prezentadon de artistoj, prelegantoj, instruistoj kaj aliaj personoj, kiuj kontribuos al la programo de la 59aj Baltiaj Esperanto-Tagoj (BET-59), kiuj okazos la 5-13an de julio 2025 en la universitato Vytautas la Granda (Kaŭno, Litovio). Jam aperis dudek ses prezentoj. La dudek-sepa prezentato estas , juna Esperanto-aktivulino el Litovio kiu en Kaŭno gvidos kurson de la litova lingvo. Ĉi-sube legu pli pri ŝi kaj pri ŝia kurso. Kvankam Severija Marija Banaitytė venas de esperantista familio, ŝi lernis Esperanton antaŭ sep jaroj, en 2018. Ŝi estas unu de fondintoj de junulara esperantista asocio en Litovio (LEJO) kaj unu el la ĉefaj organizintoj de la 80a Internacia…