Antaŭ 138 jaroj, la 26an de julio 1887 (la 14an de julio, laŭ la Julia kalendaro) en Varsovio aperis la broŝuro “Internacia lingvo. Antaŭparolo kaj plena lernolibro (por Rusoj)” [Международный языкъ. Предисловiе и полный учебникъ (por Rusoj], konata nun kiel la Unua Libro. Ĝia aŭtoro, la 27-jara Ruslanda judo Lazarj Markoviĉ Zamenhof, kaŝis sin sub la pseŭdonimo “D-ro Esperanto”. Ĉi tiu dato, la 26a de julio, estas ĉiujare festata kiel la naskiĝtago de Esperanto. La redakcio de “La Ondo de Esperanto” gratulas ĉiujn esperantistojn kaj amikojn de Esperanto okaze de la hodiaŭa festo kaj proponas (re)legi la artikolon de la Ruslanda ĵurnalisto Aleksander Korĵenkov pri la Unua Libro https://sezonoj.ru/2020/07/unua/ La…

Al la 110a Universala Kongreso de Esperanto, kiu komenciĝos morgaŭ en Brno (Ĉeĥio), jam aliĝis 1103 personoj el 63 landoj. La kongreslando Ĉeĥio denove devancis Germanion kaj kun 130 aliĝintoj estas unua en la laŭlanda plejlisto. Vidu ĉi-sube la liston de la landoj el kiuj aliĝis pli ol 25 personoj (en ĝi unuafoje aperas Slovakio): 130 Ĉeĥio 120 Germanio 106 Pollando 94 Francio 46 Hungario 43 Ĉinio (kun Honkongo kaj Tajvano) 34 Koreio 33 Brazilo 31 Usono 30 Hispanio 28 Italio 28 Slovakio 27 Nederlando Ĉi tiu nombro ne estas definitiva. Kutime dum la kongresa semajno aliĝas de dekkelko ĝis kelkdeko da novaj kongresanoj. Agrablan kaj fruktodonan kongreson al ĉiuj!…

Antaŭ tri semajnoj aperis la junia (somera laŭ la nordhemisfera vidpunkto) eldono de la ĉiusezona gazeto “La Ondo de Esperanto”, 2025, №2 (324). Sur ĝiaj 139 paĝoj (legeblaj laŭ la normoj “pdf” kaj “ePub”) estas pli ol 60 tekstoj, garnitaj de multaj ilustraĵoj. En la 48-paĝa primovada sekcio Eventoj, kiu sekvas la rubrikon “Redakcie”, estas publikigita kvardeko da artikol(et)oj pri esperantista aktivado dum aprilo-junio. Oni povas legi artikolojn pri la 76a Internacia Fervojista Esperanto-Kongreso en Žilina, pri landaj Esperanto-kongresoj en Aŭstrio, Britio, Francio, Hispanio kaj Kroatio, kaj pri multaj aliaj renkontiĝoj kaj agadoj esperantistaj en pluraj landoj. Enestas ankaŭ informoj pri okazontaj kongresoj kaj renkontiĝoj, kaj la nekrologa rubriko kun…

Post tri tagoj, la 26an de julio 2025 en Brno komenciĝos la 110a Universala Kongreso de Esperanto (UK). En nia arkiva retejo (ne en la novaĵretejo) estas publikigitaj artikoloj pri ĉiuj UKoj okazintaj ekde la 76a UK en Bergeno en 1991 ĝis la 109a UK en Aruŝo en 2024, escepte de la 105a (Montrealo, 2020) kaj 106a (Belfasto, 2021) kongresoj, kiuj estis nuligitaj pro la koronvirusa pandemio. Ĉi tiuj artikoloj unue aperis en la gazetoj “Ruslanda Esperantisto” kaj “La Ondo de Esperanto”. Atendante novaĵojn el Brno, vi povas (re)legi la prikongresajn raportojn (kaj aliajn tekstojn) el la jaroj 1991-2024 ĉe https://esperanto-ondo.ru/Ind-kong.htm. AlKo Foto de John Huang (UK-109, Aruŝo) Ĉi tiu…

Kadre de Eŭropaj Solidaraj Korpusoj (ESK – antaŭe “Eŭropa Volontula Servo”), Tutmonda Esperantista Junulara Organizo (TEJO) invitas vin iĝi plentempa TEJO-volontulo en la Centra Oficejo en Roterdamo, Nederlando. ESK estas malferma al junaj kandidatoj kies aĝo estas inter 18 kaj 30 jaroj kaj kiuj havas loĝpermeson en la landoj listigitaj fine. La volontulado daŭru ideale 12 monatojn, tiel ebligante al multaj akiri tiujn spertojn, ideale ekde septembro aŭ oktobro. Kiel volontulo vi certe lernos memstare labori kaj povos profundigi viajn spertojn, interalie en la sube menciitaj taskoj. Eblas kandidatiĝi ĝis la 7a de aŭgusto 2025. Pliaj detaloj pri la volontula programo TEJO serĉas tri volontulojn por la volontula periodo ekde…

Post pli ol dekjara paŭzo FESTO revenas. Ĝi okazos de la 17a ĝis la 24a de aŭgusto 2025 en Moissac, en Okcitanio, Francio. FESTO estas organizita de la Junulara Esperanta Franca Organizo (JEFO) kun Esperanto-muzika programo aranĝita de EUROKKA kaj kun la subteno de la Federacio EsperantOccitanie. Ĉu vi volas partopreni mojosan festivalon en Sudfrancio kaj ĝui esperantan muzikan programon? Ĉu vi volas esperantumi dum tuta semajno kaj festumi ĝis la nokto, nokto fin’? Ĉu vi ne povas vojaĝi ĝis Indonezio por partopreni la IJK-n? Venu al FESTO 2025! FESTO okazos en la metilernejo (MFR de Moissac) en la bela urbeto Moissac (Mŭasak, ne malproksime de Tuluzo). Tie vi ĝuos…

Kelkajn tagojn antaŭ la 58a kongreso de ILEI, kiu hieraŭ komenciĝis en Belgrado, en la retejo de ILEI aperis raporto de la Prezidanto kaj la Estraro de ILEI pri trimonata agado, de 2024-04-15 ĝis 2024-07-15. Ŝlosilpunktoj: novaj intervjuoj kun Prezidanto kaj Vicprezidanto de ILEI; preparado al la Kongreso-2025, inkluzive Simpozion kaj Komitatkunsidon; novaĵoj pri la kongreso-2026; preparado al la instruista trejnado en Burundo; novaĵoj pri la projektoj “Instruistoj de la Jaro” kaj “Interŝanĝo de lernantoj”; novaj sesioj de la Kunpens(ig)adoj pri Esperanto en Universitatoj; nova eldonaĵo de ILEI; kunlaboro de ILEI kun UEA, Zaozhuang-a Universitato, Balkana grupo, Ĉina Komunikila grupo kaj FIPLV. Elŝutu kaj legu la tutan raporton (sep paĝoj)…

    PSV jul 2025     O Rio é de fato uma cidade surpreendente. Praias, montanhas e florestas deslumbram e atraem todos os olhares para longe da miséria social, ali ao lado… Quase não se fala, mas em plena área urbana se encontram até… jacarés! Não, não estou falando de certos políticos, falo dos simpáticos répteis da família dos crocodilos, que vivem placidamente, pertinho de um dos bairros mais ricos da cidade. Quer conferir? Pois vá de metrô até a estação Jardim Oceânico, na Barra da Tijuca. A 100 metros dali está a Lagoa da Barra, que contém nove ilhas, entre as quais a Ilha da Gigóia, um lugar…

81a UNIVERSALA KONGRESO DE ESPERANTO Prago (Ĉeĥio), la 20–27an de julio 1996 Kongreso surprize labora La praga kongreso estis por mi la kvina UK, kaj mi atendis ĉi-jare nenion specialan: venos du ĝis tri mil personoj plejparte por renkonti amikojn, ekskursi kaj amuzi sin per la ebloj, kiujn la kongresurbo disponigos. Kompreneble, oni akceptos iujn rezoluciojn, kiujn plejmultaj kongresanoj malmemoros antaŭ rehejmiĝi. La supozoj estis parte pravaj. La Ora Prago, rapide nuliganta la misheredaĵon de la komunisma epoko, montriĝis urbo mirakla; unu semajno ne sufiĉis por vidi ĉion vidindan kaj ĝui ĉion ĝuindan. Sed la praga kongreso aperis surprize labora… Ni en la mondo La konscio pri neceso ŝanĝi (ekhavi?)…