UEA: kandidatiĝu por elektoj en 2025

Kadre de la 110a Universala Kongreso en Brno, Ĉeĥio, kiu okazos de la 26a de julio ĝis la 2a de aŭgusto 2025, la Komitato de UEA elektos novan estraron kaj ankaŭ aliajn ofichavantojn. Laŭ la elekta regularo de UEA la Elekta Komisiono “anoncas publike […], invitas, ricevas kaj registras kandidatigojn” por “komitatanoj C, estraranoj, komitataj reviziantoj” kaj “kontrolas ilian validecon”.

Rimarku, ke la sama regularo detaligas, ke “por la elektoj de komitatanoj C kaj estraranoj, validas nur motivata kandidatigo, kiun akompanas, krom la skriba konsento de la kandidato, ankaŭ biografieto kaj laŭeble foteto, klarigo pri la motivoj de kandidatiĝo, kaj konciza deklaro de la movadaj kaj poroficaj celoj (aŭ de pli konkreta agadprogramo) de la kandidato”.

Interesitoj sendu la bezonatajn dokumentojn kune antaŭ la 15a de majo 2025 al almenaŭ unu el la membroj de la Elekta Komisiono.

La Elekta Komisiono elektakomisiono2025@co.uea.org
Guy Matte
Margarita Želve
Michela Lipari
Thomas Bormann

Fonto: Gazetara Komuniko de UEA, 2025, №1220.

Abonu La Ondon de Esperanto por 2025 kontraŭ nur 15 eŭroj kaj ricevu senpage la jarkolektojn por 2023 kaj 2024. Legu pli ĉe https://esperanto-ondo.ru/Lo-abon.htm
La Ondo de Esperanto en Telegramo: t.me/esperanto_news

The post UEA: kandidatiĝu por elektoj en 2025 appeared first on La Ondo de Esperanto.