Iĝu estrarano de TEJO

TEJO serĉas kandidaton al la Estraro de TEJO por la mandato 2024–2025. La elektitoj enoficiĝos tuj post la elektado kaj finos la mandaton la 31an de aŭgusto 2025.

La Estraro estas la ĉefa plenuma instanco de TEJO. La komitato voĉdonis por 7-kapa estraro je la komenco de tiu ĉi mandato. Pro la lastatempaj ŝanĝoj en la estraro, ni nun bezonas unu plian estraranon.

Por rajti kandidatiĝi, oni devas esti individua membro de TEJO en 2025 naskita inter la 1a de septembro 1989 kaj la 31a de aŭgusto 2006. Aliaj dezirindaj trajtoj de kandidato estas sperto en gvidado de volontula organizo, sperto en la Esperanto-movado, laboremo kaj flekseblo.

La estrarano povas havi unu aŭ plurajn estrarajn fakojn. Inter eblaj fakoj, ni nun bezonas iun, kiu zorgos pri Tekniko.

Por kandidatiĝi, sendu mesaĝon al tejooficejo@gmail.com ĝis la neŝovebla limdato de la 25-a de Marto 2025. Alkroĉu viajn vivresumojn, motivan leteron kaj eksplicitan indikon pri la fakoj kaj la oficoj, kiujn vi estos preta transpreni en la Estraro, se elektita.

Se vi scias pri alia taŭga kandidato, konvinku tiun homon sendi sian kandidatiĝon aŭ sendu mesaĝon al tejooficejo@gmail.com, tiel ke ni mem povu kontakti la eblan kandidaton.

Fonto: https://www.tejo.org/igu-estraranon-de-tejo/

Abonu La Ondon de Esperanto por 2025 kontraŭ nur 15 eŭroj kaj ricevu senpage la jarkolektojn por 2023 kaj 2024. Legu pli ĉe https://esperanto-ondo.ru/Lo-abon.htm
La Ondo de Esperanto en Telegramo: t.me/esperanto_news

The post Iĝu estrarano de TEJO appeared first on La Ondo de Esperanto.