En septembro de 1945, post la kapitulaco de Japanio, la usona armeo sendis la fotiston Joe O’Donnell por dokumenti la damaĝon kaŭzitan de la nukleaj bomboj ĵetitaj sur Hiroŝimon kaj Nagasakion. Dum sep monatoj li vojaĝis tra okcidenta Japanio, fotante la morton, doloron, homan suferon kaj la detruon de la urboj. Jen kiel li rakontis la historion de ĉi tiu fotografaĵo: “Mi preterpasis kaj vidis knabon proksimume dekjaran kun bebo ligita al lia dorso. En tiuj tagoj en Japanio tio estis kutima strata vidaĵo, infanoj kun siaj pli junaj gefratoj ligitaj al la dorso, sed en tiu knabo estis io malsama. Li ŝajnis atendi iun ordonon aŭ sian vicon. Li…

1. Antaŭ 120 jaroj naskiĝis Isaj Dratwer (1905-1918-1985), juda bakteriologo kaj esperantisto, loĝinta en Ruslando, Pollando kaj Israelo; fondinto (1933) kaj senŝanĝa prezidanto de Varsovia Esperanto-Societo ĝis la invado de Germanio (1939), ĝenerala sekretario de PEA (1947-58), komitatano de UEA (1948-51, 1956-58, 1961-67), prezidanto de ELI (1961-67); aŭtoro de kelkaj lerniloj kaj de libro pri Lidia Zamenhof (1980), kompilinto de la kolekto Pri Internacia Lingvo dum jarcentoj (1970). • Legu pli en la enciklopedio Nia Diligenta Kolegaro (p. 75-76). 3. Antaŭ 75 jaroj mortis Ernest Archdeacon (arŝdekón, 1863-1908-1950), irland-devena franca advokato, inventisto, mecenato, pioniro de aŭtomobilismo kaj aviado, populariganto de tekniko kaj esperantisto; prezidanto de la landa asocio SFPE, poste…

La Ondo de Esperanto daŭrigas prezenti la artistojn, prelegantojn kaj aliajn personojn, kiuj kontribuos al la programo de la 59aj Baltiaj Esperanto-Tagoj (BET-59), kiuj okazos la 5-13an de julio 2025 en la universitato Vytautas la Granda (Kaŭno, Litovio). Jam aperis dek unu prezentoj. La dek-dua prezentato estas Karlo Spinola (Carlos González Spínola) el Hispanio, kiu ĉi-sube mem prezentas sin kaj sian kontribuaĵon al BET-59. Karlo Spinola estas fizikisto kaj doktoro inĝeniero pri komputikaj sciencoj, hab. profesoro de la Universitato de Málaga (Hispanio) kaj kunfondinto de la informadikaj studoj en tiu universitato, kie li instruis kaj estris esplorajn projektojn kune kun industriaj entreprenoj. Nuntempe li estas honora profesoro en la elektronika…

TEJO dungas kongresan oficiston kaj projektan mastrumiston. Roloj: kongresa oficisto, projekta mastrumisto. Se vi spertas pri organizado de kongresoj kaj mastrumado de projektoj, TEJO havas oportunon por vi! Ni serĉas laboranto(j)n por roloj de kongresa oficisto kaj projekta mastrumisto, por kontribui al agado de TEJO, kaj mem realigi siajn kreemajn ideojn. La rolojn povas plenumi unu aŭ pluraj personoj, kun intenco, ke sume temu pri ekvivalento de plentempa laboro. Laborkondiĉoj Laborhoroj: plentempe (40 horoj semajne) sed kun fleksebleco mem aranĝi laborhorojn. Salajro: depende de la loĝloko de la kandidato. Loko: distance. Komenco: kiom eble plej frue. Daŭro: ĝis la fino de 2025, kun eblo plilongigi poste. Laborpriskribo Kongresa oficisto kaj…

En 2025 okazos elekto de novaj gvidorganoj de UEA por la periodo 2025–2028. Parto de ĝi estos la elekto de komitatanoj B por reprezenti la individuajn membrojn (IM) en la Komitato de UEA. Laŭ la Statuto (art.24)) oni elektas unu komitatanon B por ĉiu komencita milo da IM. Laŭ la antaŭvidata nombro de IM oni elektos kvin komitatanojn B. La Ĝenerala Regularo (art. 8.2) difinas: “Kandidato deklaras skribe sian pretecon kandidatiĝi, aldonante biografieton kaj deklaron pri siaj movadaj celoj, kiuj kune ampleksas maksimume 150 vortojn. Por esti valida, kandidato devas ĝis la limdato ricevi skriban subtenon de 10 individuaj membroj el minimume 3 diversaj regnoj, en maniero kiu konformas al…

Al ĉiuj konstantaj kaj hazardaj legantoj de La Ondo de Esperanto, kiuj hodiaŭ festas la Naskiĝon de Kristo, ni deziras gajan Kristnaskon kaj serenan jaron 2025! Kristo naskiĝis, ni gloru Lin! Halina Gorecka Aleksander Korĵenkov Ĉi tiu artikolo aperis en la novaĵretejo La Ondo de Esperanto. Ĉe represo aŭ citado bonvolu indiki la fonton: La Ondo de Esperanto https://sezonoj.ru/2025/01// Abonu La Ondon de Esperanto por 2025 kontraŭ nur 15 eŭroj kaj ricevu senpage la jarkolektojn por 2023 kaj 2024. Legu pli ĉe https://esperanto-ondo.ru/Lo-abon.htm La Ondo de Esperanto en Telegramo: t.me/esperanto_news The post Gajan Kristnaskon! appeared first on La Ondo de Esperanto.

Antaŭ 90 jaroj, la 8an de januaro 1935 mortis Louis de Beaufront (bofrón, Louis Eugène Albert Chevreux, 1855-1888-1935), franca instruisto, esperantisto kaj idisto, nomita “la dua patro de Esperanto” pro la sukcesa disvastigo de Esperanto; fondinto (1898) de la asocio SPPE (poste: SFPE) kaj ties organo L’Espérantiste, reprezentanto de Zamenhof ĉe la eldonejo Hachette (1901-03); aŭtoro de pluraj lerniloj kaj prilingvaj libroj, inkluzive de la unua vera gramatiko de Esperanto Commentaire sur la Grammaire de la Langue Internationale Esperanto (1900); kompilinto de la antologio Esperantaj prozaĵoj (1902). En 1908 li forlasis Esperanton kaj aliĝis al Ido, kiun li kunkreis. Okaze de la hodiaŭa datreveno ni republikigas la artikolon “Louis de…

En decembro ni publikigis artikolon de Szilvási László pri tio, ke la ŝtata lingvoekzamena centro ONyC en Hungario decidis ne plu organizi Esperantajn ekzamenojn. La 7an de januaro Szilvási László disvastigis jenan koncizan informon: Esperanto-ekzamenoj en Hungario Je unu tago post la publika (gazetara) apero de la anonco pri la nuligo de Esperantaj ekzamenoj en Hungario, supozeble pro la publika reagaro, la ekzamena centro “Origó” decidis iom retiriĝi, kaj plilongigi la ekzamen-eblon ĝis la fino de tiu ĉi jaro! Gvidantoj de la Esperanto-movado en Hungario kun reprezentanto de UEA kaj ties ekzamena centro decidis kune peti personan renkontiĝon kun la direktoro de la ekzamena centro por zorgi pri estontaj ekzamenoj.…

Antaŭ kelkaj tagoj, dum mi aŭskultis prelegon pri antikvaj civilizacioj, la parolanto volis situi la malnovan Arkadion (laŭ PIV: antikva montara regiono en la centro de Peloponezo kaj, figurasence, ideala paŝtista paradizo) kaj komparis ĝin kun la hispana urbo Sorio (Soria). Nu, la komparo funkcias ankaŭ en la alia direkto, kaj do por klarigi al eksterhispanianoj la urbon, kie okazos la venonta Hispana Kongreso de Esperanto, oni povas paroli pri ia nuntempa Arkadio: malnova urbo kaj provinco, en la centro de la Iberia Duoninsulo, situanta en kampara areo, kun disa loĝantaro, tre grava historio, kaj kun forta rilato al literaturo. La historia flanko ligiĝas interalie al praurbo prezentinta mitan rezistadon…

La Ondo de Esperanto daŭrigas prezenti la artistojn, prelegantojn kaj aliajn personojn, kiuj kontribuos al la programo de la 59aj Baltiaj Esperanto-Tagoj (BET-59), kiuj okazos la 5-13an de julio 2025 en la universitato Vytautas la Granda (Kaŭno, Litovio). Jam aperis dek du prezentoj. La dek-tria prezentato estas Nina Pietuchowska, konata pola Esperanto-aktivulino, kiu ĉi-sube mem prezentas sin kaj sian kontribuaĵon al BET-59. Mi estas esperantistino de 1988. Dum multaj jaroj mi laboris kiel instruistino pri fiziko kaj kemio. Nun mi estas pensiulino kaj mi havas pli multe da tempo por Esperanto kaj miaj ŝatokupoj: manlaboroj, vojaĝoj kaj fotado de naturo. Dum multaj jaroj en diversaj landoj mi gvidas Esperanto-kursojn: en…