Libera Folio – Página: 4 – Programo Mia Amiko

Programo Mia Amiko

Unindo os interessados em aprender Esperanto com amigos esperantistas.

Programo Mia Amiko

Unindo os interessados em aprender Esperanto com amigos esperantistas.

EU-subvencio savis la financojn de UEA

Por Libera FolioPostado em 9 de julho de 2024Postado em Esperanto tra la mondo, Ĝeneralaj Temoj, movado, UEA

Granda administra subvencio de EU savis la financojn de UEA en la pasinta jaro. Anstataŭ planita deficito de pli ol 50 000 eŭroj la asocio en 2023 atingis plusan rezulton kaj povis krome ŝpari monon por venontaj jaroj. La ekonomia rezulto de la kongreso en Torino aliflanke estis malbona, supozeble pro la pagoj al la entrepreno kiu nun prizorgas la kongresan fakon de UEA.

Esperantisto pereis ĉe la fronto en Ukrainio

Por Libera FolioPostado em 3 de julho de 2024Postado em Esperanto tra la mondo, Ĝeneralaj Temoj, movado

Fine de majo en la aĝo de 54 jaroj pereis ĉe la fronto la ukraina esperantisto Vadim Bikov. Li libervole aliĝis al la ukraina armeo tuj komence de la nuna milito kaj dum pli ol du jaroj servis en pluraj danĝeraj partoj de la fronto. Lin funebras lia esperantista edzino Julia Dmitrieva.

EU-estro respondis pri oficialigo de Esperanto

Por Libera FolioPostado em 1 de julho de 2024Postado em Esperanto tra la mondo, Ĝeneralaj Temoj, movado

En aprilo la japana entreprenisto Etsuo Miyoshi leteris al eŭropaj parlamentanoj kaj la prezidanto de la Eŭropa Komisiono kun propono igi Esperanton unu el la oficialaj lingvoj de la unio. La prezidanto de la Komisiono en sia respondo atentigas pri la graveco de plurlingveco.

UEA rekomendas: ”Lernantoj bone lernu”

Por Libera FolioPostado em 23 de junho de 2024Postado em Esperanto tra la mondo, Ĝeneralaj Temoj, movado, UEA

Dek monatojn post la Universala Kongreso en Torino, en la retejo de UEA aperis rekomendoj de la komitataj forumoj. Tie eblas ekscii, ke al UEA mankas konstanta informpolitiko, sed nun salajrata komunikisto antaŭenigos la agadon. Lernantoj bone lernu, ĉu kun instruisto aŭ ne, rekomendas la forumo pri instruado.

TEJO elektas komitatanon por neesperantistoj

Por Libera FolioPostado em 12 de junho de 2024Postado em Esperanto tra la mondo, Ĝeneralaj Temoj

Ĉe TEJO ankaŭ eksmembroj estas membroj: ili estas Junaj Amikoj. Eĉ neesperantistoj povas iĝi Junaj Amikoj, plenigante formularon en retejo. Nun la Junaj Amikoj unuafoje rajtos elekti propran komitatanon de TEJO. Sed kiel oni trovu kandidaton, kaj kiun lingvon parolos la reprezentanto de la neesperantistoj en TEJO?

La ĉefverko de John Francis denove presita

Por Libera FolioPostado em 4 de junho de 2024Postado em Esperanto tra la mondo, Ĝeneralaj Temoj, kulturo

La granda kaldrono de John Francis estas unu el la plej gravaj originalaj romanoj en Esperanto. Ĝi aperis en 1978, elĉerpiĝis kaj poste dum jardekoj ne estis havebla. En 2017 oni reeldonis la verkon en elektronika formo, kaj nun tiu ĉefverko de la Esperanta literaturo fine denove haveblas ankaŭ en presita formo.

UEA strategie planas retejon kaj almanakon

Por Libera FolioPostado em 28 de maio de 2024Postado em Esperanto tra la mondo, Ĝeneralaj Temoj, movado, UEA

La multjaraj babiloj pri nova strategia laborplano por UEA naskis unupaĝan resumon. Laŭ ĝi UEA planas interalie modernigi sian retejon kaj aperigi trijaran presitan almanakon kun la informoj, kiuj antaŭe aperis en la Jarlibro. Pretan planon oni promesas por la UK en Aruŝo, realigo okazu poste.

Auld kaj Boulton jubilee iĝas Bauldton

Por Libera FolioPostado em 22 de maio de 2024Postado em Esperanto tra la mondo, Ĝeneralaj Temoj, kulturo

Naskiĝis antaŭ cent jaroj William Auld kaj Marjorie Boulton. Libera Folio invitis Tim Owen, direktoron de Esperanto-Asocio de Britio, rakonti pri la Festjaro BAULDTON, projekto de EAB por celebri la du eminentajn verkistojn dum ilia jubilea jaro.

UEA petas pli da pacienco

Por Libera FolioPostado em 21 de maio de 2024Postado em Esperanto tra la mondo, Ĝeneralaj Temoj, movado, UEA

Libera Folio dum longa tempo petis la estraron de UEA respondi al demandoj interalie pri la reteja renovigo kaj la sorto de la libroservo. La prezidanto de UEA nun petas pli da pacienco.

”La movado krizas kaj niaj arĥivejoj same”

Por Libera FolioPostado em 14 de maio de 2024Postado em Esperanto tra la mondo, Ĝeneralaj Temoj, kulturo

Rubèn Fernández Asensio verkis magistriĝan disertaĵon pri esperantistaj arkivoj. Laŭ li, la esperantistoj mem devus pli bone konscii pri la vera karaktero de la movado, por povi komprenigi ĝin al eksteruloj. Esperantistaj arkivoj transdonitaj al ekstermovadaj instancoj laŭ li montras ilin nur kiel ”ruinojn de mortantaj lingvo kaj movado”, interesajn nur al tre fakaj esploristoj.